बझाङमा एक केजी चरेससहित ७१ वर्षीय बृद्ध पक्राउ
बझाङ, कात्तिक २० । एककिलो चरेससहित ७१ वर्षीय बृद्ध पक्राउ परेका छन् । छविसपाथीभेरा गाँउपालिका–३ बस्ने ७१ वर्षीय धनराज बोहरालाई उक्त परिमाणको चरेससहित पक्राउ गरिएको जिल्ला प्रहरी कार्यालयले जनाएको छ ।
आईतबार बेलुका बझाङबाट धनगढीतर्फ जाँदै गरेको बसमा स्याँडी प्रहरी चौकीमा चेक जाँच गर्दा उनको झोलाबाट एक किलो चरेस बरामद भएको प्रहरीको भनाइ छ ।
सुराकीका आधारमा प्रहरीले पछ्याउँदै गएको र स्याडी प्रहरी चौकीमा प्रहरीले उनको झोला चेकजाँच गर्दा एक किलो चरेस बरामद भएको जिल्ला प्रहरी कार्यालयका निमित्त प्रमुख एवं प्रहरी निरीक्षक नैनसिंह साउदले बताए । बोहरालाई हिरासतमा राखेर थप अनुसन्धान सुरु गरेको साउदले जानकारी दिए ।