नेपालमा थप २५६९ जनामा संक्रमण पुष्टि,उपत्यकामा थप १२६१ संक्रमित, कुन जिल्लामा कति थपिए संक्रमित
काठमाडौं,कार्तिक २६ । नेपालमा कोरोना भाइरस संक्रमितको संख्या २ लाख नाघेको छ । आज थप २५६९ जनामा काेराेना संक्रमण पुष्टि भएसँगै कुल संक्रमितको संख्या २ लाख २ हजार ३२९ पुगेको हो ।
त्यस्तै काठमाडौं उपत्यकामा पछिल्लो २४ घण्टामा १२६१ जनामा कोरोना संक्रमण पुष्टि भएको छ ।
त्यस्तै १ लाख ६२ हजार २४३ जना संक्रमणमुक्त भएका छन् । पछिल्लो २४ घण्टामा मात्र १६६६ जना संक्रमणमुक्त भएका हुन् । देशभर ३८ हजार ९१२ संक्रिय संक्रमित रहेका छन् ।
स्वास्थ्य तथा जनसंख्या मन्त्रालयको तथ्यांक अनुसार कोरोना भाइरसको संक्रमणबाट पछिल्लो २४ घण्टामा देशभर थप २६ जनाको मृत्यु भएको छ। उनीहरुमध्ये ११७४ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।
उनीहरुमध्ये २८ हजार ३९३ जना होम आइसोलेसनमा छन् भने ३८२ जनाको आईसीयू र ९५ जनाको भेन्टिलेटरमा उपचार भइरहेको छ ।
कुन जिल्लामा कति थपिए संक्रमित
मन्त्रालयका अनुसार काठमाडौं उपत्यकामा १२६१ संक्रमित थपिएका छन्। काठमाडौंका ९७६ जना, ललितपुरका २०४ र भक्तपुरका ८१ जना छन् ।
मोरङका १६८ जना, कास्कीका १३०, सुनसरीका ११८, दाङका १०५, झापा र धनुषाका ९८/९८ जना, रुपन्देहीका ७३, काभ्रेका ५५, नुवाकोटका ४१, मकवानपुर ३७, पाल्पाका ३१, कैलालीका २९, बाग्लुङ, अर्घाखाँचीका २२, पाँचथरका २०, सिन्धुपाल्चोक र तनहुँका १८/१८ जना, उदयपुर, गोरखा, बाँकेका १७/१७ जना, सिराहा र पर्वतका १६/१६ जना, चितवन र दोलखाका १५/१५ जना, नवलपरासीका १४, सप्तरीका १२, बर्दियाका १० जना,धादिङ, रामेछाप र रोल्पाका ९/९ जना, संखुवासभा, गुल्मी र कञ्चनपुरका ८/८ जना, रौतहट र सल्यानका ७/७ जना, बारा, दैलेख र डोटीका ६/६ जना, ताप्लेजुङ, पर्सा, सर्लाही, सिन्धुली, नवलपुर, स्याङ्जा, प्युठानका ५/५ जना, इलाम, महोत्तरी, कपिलवस्तु र जुम्लाका ४/४ जना, भोजपुर, सोलुखुम्बु र रसुवाका ३र३ जना, कालीकोट, जाजरकोट, सुर्खेत र डडेलधुराका २/२ जना तथा खोटाङ, धनकुटा, लमजुङ, डोल्पा र दार्चुलाका १/१ जनामा संक्रमण देखिएको मन्त्रालयले जनाएको छ ।