प्रगतिवादी कवि प्रकाश चापागाईंको एकल छन्द कविता वाचन कार्यक्रम सम्पन्न
प्रेम प्रसाद कडेल-चितवन। अक्षर समूह चितवनको संयोजनमा कवि प्रकाश चापागाईंको एक दर्जन एकल कविता वाचन कार्यक्रम भरतपुरको फोर सिजन पार्टी को सभाहलमा सम्पन्न भएको छ। कार्यक्रममा उपस्थित सम्पूर्ण साहित्यकारमा समालोचक उदय अधिकारीले स्वागत मन्तव्य राखेका थिए।
कार्यक्रममा कवि प्रकाश चापागाईंले मार्मिक एक दर्जन गद्ध कविता वाचन गरेका थिए। २०४६ सालको जनआन्दोलनमा सक्रिय कवि प्रहरीको गोली लागि घाइते समेत भएका थिए।कार्यक्रममा अतिथिहरु कवि नारायण पोख्रेल, शिव त्रिपाठी,पुरुषोत्तम आचार्यले प्रतिनिधिमूलक कविता वाचन गरे।कार्यक्रमको बारेमा अनुभूति मन्तव्य त्रिभुवन विश्वविद्यालय केन्द्रीय क्याम्पस कीर्तिपुरका उप प्राध्यापक डा. अशोक थापा, भरतपुर महानगरका प्रज्ञा प्रतिष्ठानको उपकुलपति कवि ईन्द्र रेग्मी, भुपिन खड्का, कर्ण बहादुर बाँनिया लगायतका स्रष्टाले राख्दै स्वर्गीय कवि चेतकान्त चापागाईंको कोकिल छन्दलाई स्मरण गर्दै कवि प्रकाश चापागाईंलाई उत्तराधिकारी कविको रूपमा चित्रित गरे।
कार्यक्रममा चितवनका साहित्यकारहरूको उल्लेख्य सहभागिता रहेको थियो। कार्यक्रममा अक्षर समूहले कवि प्रकाश चापागाईं एवम् अतिथिहरुलाई मायाको चिनो प्रदान गरेको थियो। कार्यक्रमको सहजीकरण अक्षर समूह चितवनका सचिव लेखराम सापकोटाले गरेका थिए।