नेपालमा थप ८२ जनामा कोरोना संक्रमण पुष्टि, मृत्यु शून्य
काठमाडौं। नेपालमा थप ८२ जनामा कोरोना भाइरसको संक्रमण पुष्टि भएको छ।स्वास्थ्य मन्त्रालयका अनुसार पछिल्लो २४ घण्टामा कोरोनाबाट कसैको पनि मृत्यु भएको छैन।
हालसम्म कोरोनाबाट ११ हजार ९५० जनाले ज्यान गुमाएका छन्।
बुधबार २१३ जना कोरोना संक्रमणमुक्त भएको स्वास्थ्य मन्त्रालयले जनाएको छ। हाल देशभर ४ हजार ५७४ जना सक्रिय संक्रमित रहेका छन्।
गत चौबीस घन्टामा ४ हजार ७९० पीसीआर तथा १ हजार ३८५ एन्टिजेन परीक्षण भएको छ।