अध्यक्ष ओलीविरुद्ध आएका अभिव्यक्ति सच्याउन एमालेको निर्देशन
काठमाडौं। नेकपा एमालेले पार्टी अध्यक्ष केपी शर्मा ओली विरुद्धमा दिएको अभिव्यक्ति गलत भएको ठहर गर्दै त्यसो नगर्न निर्देशन दिएको छ।
पार्टीको विधि पद्धति र अनुशासनको ख्यालै नगरी जिम्मेवार नेता तथा कार्यकर्ताहरूले पार्टी नेतृत्व, नीति र निर्णयका विरुद्ध सार्वजनिक रुपमा अभिव्यक्ति दिएको भन्दै एमालेले त्यसो नगर्न पार्टीपङ्क्तिलाई निर्देशन दिएको हो।
‘पार्टीको विधि पद्धति र अनुशासनको ख्यालै नगरी जिम्मेवार नेता कार्यकर्ताहरूद्वारा सामाजिक सञ्जाल र सडकमा पार्टी नेतृत्व, नीति र निर्णयका विरुद्ध सार्वजनिक रुपमा अभिव्यक्ति नदिन र पार्टीका औपचारिक कमिटीभित्र नै आफ्नो विचार राख्न पार्टीपङ्क्तिलाई आवश्यक निर्देशन गर्ने भएको छ,महासचिव शंकर पोखरेलले तल्लो तहमा पठाएको निर्देशनमा भनिएको छ।
यस्तै पार्टी सदस्यभन्दा कम मत आएका निर्वाचन क्षेत्र, पालिका र वडाहरूमा पार्टी सदस्य वितरणको मापदण्डलाई कडाइका साथ पालना गर्ने जनसंगठनले निर्णय गरेको छ।
‘त्यस्ता स्थानहरूमा आवश्यकताअनुसार सदस्यता नवीकरण सहजीकरण टोली निर्माण गरी खटाउन सक्नेगरी सदस्यता नवीकरणको कार्य अगाडि बढाउने,’ महासचिव पोखरेलले हस्ताक्षर गरेर तल्लो तहमा पठाएको निर्देशन प्रस्तावमा भनिएको छ।