मुगुमा ट्याक्टर दुर्घटना हुँदा एककाे मृत्यु ७ जना घाइते
काठमाडौं। मुगुको माझचौरबाट जिउकातर्फ जाँदै गरेको ट्याक्टर दुर्घटना हुँदा एकजनाको मृत्यु भएको छ भने ७ जना घाइते भएका छन्। मुगुको खत्याड गाउँपालिका-४ की शारदा थापाको मृत्यु भएको छ भने दुर्घटनामा अन्य ७ जना घाइते भएको जिल्ला प्रहरी कार्यालय मुगुले जनाएको छ।
प्रहरीका अनुसार ट्याक्टर माझचौरबाट जिउकातर्फ जाने क्रममा दुर्घटना भएको हो। घाइतेहरूलाई उपचारका लागि स्थानीय स्वास्थ्य संस्थामा भर्ना गरिएको छ। उनीहरूको अवस्था सामान्य रहेको बताइएको छ।
मृतक शारदा थापाको निधनप्रति स्थानीयवासी तथा राजनीतिक क्षेत्रका व्यक्तित्वहरूले गहिरो शोक व्यक्त गरेका छन्। उहाँका मृतक परिवारप्रति समवेदना प्रकट गरिएको छ। दुर्घटनाको कारण बारे थप अनुसन्धान भइरहेको छ।